成为鹏友的一天

#小鹏G9L晒大定#

提车喇！今晚一睇完发布会，同销售面对面锁单，哈！揸咗十几年油车，老福特致胜，要讲再见了。试完理想i6、极氪7X，最后都系拣咗小鹏G9L

✅颜色配置：白外黑内 ultre se
✅下单理由：讲真，呢部老油车陪咗我超过十年，由后生仔揸到而家做老窦，感情真系唔少。但系年纪越大，越觉得每次入油心痛，保养又越来越贵，加上而家电车真系进步好多，智驾、快充、底盘啲科技嘢，越睇越心郁郁。

✅对比车型：呢次换车要求其实好简单：家用为主，要好揸、坐得舒服，一定要800V快充，预算廿五万左右。前后跑咗成个月4S店，理想i6、极氪7X、小鹏G9L一部部试，试驾试到销售都认得我，今次终于落订G9L，攞车嗰日真系开心到唔知点讲。

理想i6，印象系几好嘅。 理想嘅车机确实冇得弹，语音反应快，座舱顺到冇朋友。后排个皇后座设计几得意，一个人坐后排真系好过瘾，87度电宁德时代电池，续航720公里，日常通勤绝对够用。但系试驾完有样嘢我几介意——冇后轮转向，台车虽然唔算长，但系旧小区掉头、地库窄位停车，灵活度真系差啲。后备箱空间我都觉得唔够大，周末带齐露营装备出街，可能要执好耐先塞得落。

跟住试极氪7X，呢部车开起身真系爽。 动力反应好直接，踩油就有，底盘硬净，高速变线过弯车身好稳，呢部车真系有驾驶乐趣。内饰用料都几精致，音响效果好正。不过问题系，佢调校偏运动，后排坐长途就冇咁舒服，空悬仲要加钱选装，成台车细G9L一圈。我成日一家三口周末周边游，呢部车总系觉得差少少家用嘅从容感。

最后试G9L，坐入去揸起身，就知道系佢啦。 车长5米12，轴距3米1，标准大五座，后备箱1152升再加下沉储物，露营车、行李箱随便摆，装载能力真系惊艳到我。

✅用车需求：最打动我嘅，系全系标配双腔空悬加后轮转向。五米几嘅大车，转弯半径先5.4米，旧小区窄路一把就掉头，地库停车完全冇压力，揸起身真系唔似一部咁大嘅SUV。双腔空悬可以自动调高低，高速车身压低好稳，过减速带、烂路滤震好柔，老婆坐后排话舒服到想瞓着。

800V加5C超充，10%到80%先十分钟出头，跑高速服务区上个洗手间嘅时间，电就补得七七八八，唔使再好似以前噉等成个钟。XNGP智驾我都试咗，城市路、高速NGP表现成熟，返工通勤真系可以轻松唔少。全车座椅通风加热按摩都齐，二排零重力、电动遮阳帘、AR-HUD，家用豪华感一步到位。电池系中创新航定制5C电芯，加埋小鹏自己嘅电池包同热管理，家用长期用，有三电质保托底，心里踏实。

当然，冇边部车系完美嘅。理想i6有理想嘅长处，极氪7X都有佢独有嘅驾驶乐趣，只不过综合家用、底盘、空间、智驾、快充呢几项，G9L真系最啱我呢个揸咗十几年油车嘅人。

由油车转电车，讲唔舍得系假嘅，但系而家国产电车进步真系大到我自己都估唔到。以后就揸住呢部G9L，带住屋企人，去多啲以前唔想去嘅远地方。其实老婆最中意就系紫色加红内，不过最后都系我排版无敌既白外黑内！

迟啲再慢慢分享真实用车感受，电耗、智驾日常体验，欢迎G9L车友一齐交流。